يا منشي الناوات يا منزل المطر = يا مالك الاملاك في البر والبحور
إلهي انا بدعيك واشكي لك الضرر = ذي صابني في ساع ما طارت الصقور
وبسماك با سبح الهي في الغدر = عساك تسمع ابن التام يا حي ياشكور
لك الحمد عد الخلق خافي وما ظهر = لك الحمد يا رباه من قلبي الصبور
ومن بعد لليلة امس لازمني السهر = لما اعز الناس بكر في الفجور
وذلحينه الصوفي نوا يعزم السفر = بلاده بلاد العز حيث حلت النمور
سلامي على ربعك واللخوان نفر نفر = وخص القبيله جنب اللنساب والصهور
وسلم على خالد سلام مننا صدر = سلام مننا مخصوص لشاعر الجسور
وللمجربي اجمل تحيه متى حضر = وزفه سلام مني ولصحابه الحضور
وقله محمد صار في نقطة الخطر = ضنك عيشته واصبح كما فاقد الشعور
لانه وحيد اصبح بلا اصحاب او مقر = لمن يشتكي همه اذا حلق الدبور
ولكن على الله كل شئ يتبع القدر = ولا قدر الرحمن ماشي عليه يجور
معذور من اتوكل وساب غربة الكدر = وسافر بلاده حيث اللبان والتمور
خرج فصل والثاني ابا قول لك خبر = خبربا يهد الحيد ويطعفر الصخور
خبر لاطول شدا ولا من ذكاك قصر = ولا هو يخص احد سواء قانص الطيور
ابا فهمك ذا لغز قاسي كما الحجر = ولا قد دخلشي بيت بي صاقط الضبور
ولا واجهك في خبت يا صاحبي عثر = لانه كما الشنظوب ذي سوه في القبور
اذا سوه فوق الراس يا وحدوي طمر = واذا اسوه وسطه با يدحرج على الصدور
واذا سوه جنب الرجل يا صحبي فتر = ويرجع ضعيف الحال لاحرجوه يبور
وصلو على من جاء بنوره على البشر = محمد رسول الله .. الصادق الطهور