قصيده قديمه لشاعر الشبثي القيفي

يارب اسالك بسورة ق والسجده = واسم الثلاثين اولها وتاليها
قرآن صفيت بة قلب النبي وحده = في ليلة القدر ذي وصيت بة فيها
من عندك ارسلت لة جبريل لا عنده = فصلت ايات مكتوبة ويتليها
بحرمتة جرتنا من ليلة الوحده = من برزخ الموت نفس العبد تنجيها
يامن رفعت الحجب والسبع ممتده = والعرش والكرسي اعلا من علاليها
لقينا من كرامات النبي ورده = برحمتك عند نفسي يوم تحييها
ملك لة الملك لا قبلة ولا بعده = يرث ويبعث ويحييها وكافيها
واذكر نبي زفة المعراج من سعده = لا صرح خيمة ذي اعلاها وبانيها
صلى وسلم علية الرب من سعده = وانا صلاة الملا والجان اصليها
حزبة علي ضارب العدوان من زنده = بضربة السيف ذي ماليس يثنيها
بسيفت شق الخوذ والدرع من حده = لا اهتز ذاقوا سنون الموت حميها
يلمع كما البرق والعيقة كما رعده = خظاب الارماح والحربات يرويها
سيف النبي كان يتقدم مع جنده = بسيف صفا مشارقها وغربيها
هو الغضنفر عبوس الطعن لة عهده = على نحور العدا وحدة ملاقيها
تشهد لة البيض والحملات والرده = قدام رايات عمة في مغازيها
والارض تشهد بجوداتة مع جنده = يوم أيدة يد ما ياوي محنيها
لو يملك الدر ما هو نتها عنده = لا عند نفسي وعاد الله كافيها
وانا من الجيش ذي للخير ياشده = قريش عز الربع والناس تهويها
مطولين الذرع والطول ممتده = قريش عند الرزع كلمة تمضيها
وردوا العود يرجع فوق زنده = والحبل ردوة للفتال يطويها
اما الكسايب تشوف الكل في سده = ما يعوزوا من بلاد الماء مساميها
بالخيل والروم والوديان ممتده = ساقي وضامي ومزن الله يسقيها
ومرحبا ما ثلتعشر زحم برده = متى نصح بور والطهيان يغليها
وما حدعشر مقارينة على نبده = النصف بين الظوافر مامعة فيها
او كلما التسع في النعمة وفي الشده= تهيج العيس ذكرها واناثيها
مرحب بقول الشريف المنتسب جده = من هاشمي خاتم اجزاها وقاريها
ياسيد ذي قلت لي من عندكم مده = ماتعلم اني مشرفها ومغليها
شف صاحبك يشتعف من طندة الكده = شوك السنف محرقة في رجل واطيها
واتشفق الريح لاريت الضباء صده = تلمح قيم يوم تروح عود راميها
ياسيد ماعد شفت احد على عهده = اهلي والاصحاب قاصيها ودانيها
ومن توسط لقي كلا معة نهده = تسمع مشاريط ماتستر تفاصيها
هذاك يقول ان لة جعدة ولة جده = وذا يقول ان لة دار الطواشيها
كلن على صاحبة ذيملي العده = وذاك ذرة يدق اشيب ويمليها
ومن رماء صاحبة صابة متا مده = تموت صفر الشواهر حيث يلصيها
ولا درا ذا وذا من صرفت العده = ماهيل نفس الغوى وابليس يغويها
هذاك يقول خاك اخو لأمي وانا ولده = لو ينظفوا كان كلن شل غاليها
وان استعتوا نفاذ العرف والشده = قبلة قبل والطيال السود تنقيها
اهل التقاء والنقاء والصدق والنشده = لو يعلموا بالنسب شنوا تقاويها
ما حد معة مثل قلبي يعرف الزهده = والنفس ماتشرب الا عذب صافيها
والصقر لا شاف الجفاء يكتب لة وحده = يحوز نفسة وتيك الطير ناهيها
والنجم ذي قلت لة نسبة ولة عهده = اول سنينة هرم واليل تاليها
والناس شافوة وان الكل في بلده = قالوا بدا نجم هاديها لمهديها
هو ملك مملوك لله القوي وحده = ذي درج اسعار في الدنيا مساويها
وصاحب الحق ماكرها يمد ايده = كرها تسق اصبعة كنة محنيها
والحب كلن عندة شبح وتده = مثل المحاجي تواراء في محاجيها
وذاك قدهو يسم المكر والزهده = ينوي بقل القضاء من قبل يويها
وقدهي الكل من بيحان لا جده = واحنا وسط للقوافل ذينحاديها
لن قل ما تبكي الصفين معتده = ايضا ومعها المراقح في مداكيها
وشرب تمباك فازع من قفا العقده = والشاذلية تناول في صيانيها
والبيض غنين ياكمن بني خده = ابلج مدعج وعسوج في خلاويها
غرد وامفرود ياقادي قنا صعده = فنوس مفروس بالفانوس ياضيها
ياحب من حب محلب صب في نده = نطش بقش رش رشرش طش ساقيها
واختم برب اشكرة وازيد في حمده = حمد الهلا والملا والشكر تاليها
حمدا عدد ما اشرع الرحمن لا وعده = متا وداعة معك وانتة توديها
علية صلى وسلم مادكم رعده = وكلما البارق الدفان يرويها
على النبي واعد الاسلام لا عنده = وهو محمد في الجنة مراعيها